Cwmni Cyfieithu

Tystebau

Mae Cyngor Tref Penmaenmawr yn ddiolchgar i Gyfieithu Cymunedol am y gwaith maent yn ei wneud i'r Cyngor, o ran cyfieithu cofnodion a dogfennau, er mwyn i'r Cyngor wasanaethu'r rhai sy'n Gymraeg eu hiaith yn yr ardal.

Cyngor Tref Penmaenmawr

Gwasanaeth prydlon, effeithlon a dibynadwy bob amser

NCMA Cymru

Gair bach i ddiolch i chi am y gwaith wnaethoch chi ar daflen i’r Ymddiriedolaeth Genedlaethol, a ddaeth i law tra’r oeddwn i ar fy nghyfnod tadolaeth. Rydw i newydd gael y copi terfynol wedi’i gysodi, ac mae’n rhaid i mi ddweud mai dyma’r un o’r cyfieithiadau mwyaf slic a naturiol i mi gael y fraint o’i ddarllen ers tro – yr union beth ar gyfer cynulleidfa darged y darn dan sylw. A wnewch chi drosglwyddo fy niolch diffuant i’r cyfieithydd am waith mor safonol

Huw Tegid, Menter Môn

Cwmni Cyfieithu

Mae Cyfieithu Cymunedol yn gwmni cyfieithu proffesiynol sy'n prysur fynd o nerth i nerth.

Rydym ni'n ymfalchïo yn ein cyfieithu naturiol a'n gwasanaeth cyfeillgar. Ein nod wrth gyfieithu testun yw llunio dogfen sy'n darllen fel darn o Gymraeg gwreiddiol yn hytrach na chyfieithiad o ddogfen Saesneg. Ein nod wrth gyfieithu ar y pryd yw galluogi siaradwyr Cymraeg a'r di-Gymraeg i gyfarfod â'i gilydd gan ddefnyddio eu hiaith gryfaf mewn awyrgylch rhwydd a didramgwydd.

Rydym ni'n rhannu swyddfa gyda Menter Iaith Conwy yn Llanrwst, y dref farchnad hanesyddol yn Nyffryn Conwy sydd ar odre mynyddoedd Eryri.

Sefydlwyd y cwmni yn 2003 gyda'r bwriad o wella'r defnydd o'r Gymraeg yn yr ardal ac annog sefydliadau i gynnig gwasanaethau dwyieithog.

Yn ddelfrydol rydym ni'n gobeithio, nid yn unig cynnig gwasanaeth cyfieithu cymunedol, ond hefyd bod yn fodd i ysbrydoli Cymry dihyder i ddefnyddio a gloywi eu hiaith, a'r di-Gymraeg i'w dysgu hi a'i siarad hi.

Cliciwch ar y dolenni uchod i wybod mwy amdanom ni, ein gwasanaethau cyfieithu a'n cyrsiau cyfieithu a gloywi iaith.

Ieithoedd

Ffoniwch 01492 642 796

Main links

Gwasanaethau

01492 642 796

Tystebau